Сурхондарё вилояти ҳокими Улуғбек Қосимов Туркиянинг қуёш электр стансиялари қуриш фаолияти билан шуғулланувчи “Акгун энержи” компанияси бош директори Кемал Гунай бошчилигидаги делегацияни қабул қилди.

Учрашувда Туркиялик инвесторлар Сурхондарё вилоятининг об-ҳавоси йилнинг асосий қисмида қуёшли бўлиши, кейинги йилларда тобора эҳтиёж ортиб бораётган энергия, жумладан, қайта тикланувчи электр энергияси манбаларини жорий этиш учун зарур имконият ва шароитларга эга эканлигини таъкидлашиб, воҳамизда 100 МВт қувватдаги қуёш фотоелектр стансияси қуриш лойиҳасини таклиф қилишди.

Музокаралар якунида икки томон мутахассислари иштирокида лойиҳанинг техник-иқтисодий имкониятларини кўриб чиқиш, такомиллаштириш бўйича ишларни бошлашга келишиб олинди.