Президент телефон орқали Асадхўжа Мўйдинхўжаев ва Лазизбек Муллажоновни Олимпиададаги ғалабаси билан табриклади
Ўзбекистон
10.08.2024
1 767
Бугун, 10 август куни Президент Шавкат Мирзиёев Париждаги ёзги Олимпия ўйинларида Ўзбекистон спорт делегациясига навбатдаги 2 та олтин медални келтирган ва уларнинг сони бўйича рекорд кўрсаткичга эришилишига ҳисса қўшган боксчилар Асадхўжа Мўйдинхўжаев ва Лазизбек Муллажонов билан телефон орқали суҳбатлашди.
“Бокс бўйича Ўзбекистон дунёда тенгсиз эканини яна бир карра исботлаганингиз учун миннатдорлик билдириб, табрикламоқчиман. Халқимизнинг чинакам қаҳрамонлари бўлдингиз. Янги Ўзбекистоннинг янги ёшларига жуда катта ўрнак, намуна бўлаяпсизлар. Юртимиз ўғлонлари нималарга қодир эканликларини бутун дунё ҳамжамияти кўриб турди ва мен сизлардан ғурурланаман”, деди давлат раҳбари.
Йигитларнинг кечаги ғалабалари ўзбек халқига жуда катта мамнуният бағишлагани таъкидланди. Президент юқори натижаларга эришаётган олимпиячиларга, бутун терма жамоага ўзининг саломини етказишни сўради.
Чемпионлар ҳам Президент ва халқ ишончини оқлаганидан мамнунлигини билдириб, шундай ғалабаларга эришиш имконини берган эътибор ва кенг шароитлар учун давлат раҳбарига ташаккур изҳор қилди. Бундан буён ҳам Ватан байроғини баланд кўтаришда давом этишга ваъда берди.
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Шахс ўзининг хабарисиз номига кредит тузилишининг олдини олиши мумкин
Қонунчиликка кўра, жисмоний шахс ўзининг иштирокисиз ёки хабарисиз кредит битими тузилишининг олдини олиш учун ўзи билан кредит битими тузишни кредит бюросига ариза киритиш орқали тақиқлаши мумкин.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Ўзбекистон Республикасида жиноят ҳуқуқи: асосий тушунчалар ва принциплар
Жиноят ҳуқуқи — бу фуқаролар, жамият ва давлат манфаатларини ҳимоя қилиш, жиноятларни аниқлаш, уларни содир этган шахсларга жазо тайинлаш орқали жамиятда тартиб ва хавфсизликни таъминлашга хизмат қиладиган ҳуқуқий соҳадир.
Мавзуга доир янгиликлар:
Париж-2024: Ўзбекистонлик спортчилар 3 та олтин ва 1 та кумуш медални қўлга киритди
Ўзбекистон делегацияси ҳисобидаги медаллар 8 та олтин, 2 та кумуш ва 3 та бронзага етмоқда.
Асадхўжа Мўйдинхўжаев ва Лазизбек Мулложонов Олимпиада чемпиони бўлди
Ўзбекистон делегацияси ҳисобидаги медаллар ҳозирча 5 та олтин ва 3 та бронзани ташкил этмоқда.
Бобуржон Омонов 2 карра Паралимпияда чемпиони бўлди
Омонов олдинги Паралимпия ўйинларида ўзи ўрнатган рекордни янгилади.
Дониёр Салиев Паралимпия ўйинларининг кумуш медалини қўлга киритди
Шу тариқа Ўзбекистон делегациясининг медаллари 12 тага етди.